Sgunfi cumè un sciatt ch'el canta in del foss Sgunfi cumè ul sû quand el diventa ross Sgunfi cumè la lüna che la s'ciopa foeura Sgunfi cumè i pulmon che se sgunfien d'aurora Sgunfi cumè la rógia dopu un tempural Sgunfi cumè un preet ch'el bef ul Sacro Graal
Sgunfi, sgunfi, sgunfi d'amur La mia man e ul mè scighezz Fermi denanz d'un fiur
Forsi ul mè coeur el s'è fermaa al'usteria Ma dal manech del scighezz me trema una puesia Un fiur in mezz al praa dai mila culur Celest cumè i sò oecc Rosa cumè i genoecc Prufoeum del mes de Macc Prufoeum che me slarga ul nas Sgunfi cumè una bóta - in vino veritas
Sgunfi, sgunfi, sgunfi d'amur La mia man e ul mè scighezz Fermi denanz d'un fiur
La mia crapa sóta al gerlo, i culzon cun dent un sferlo un coeur c'hell zifulava cumè a primavera un merlo La buca impastada de lampón e de magiuster Per inamuras ghe mia de vess maester Per inamuras ghe mia de vess dutur La mia man cun dent un fiur la parla d'amur
Sgunfi, sgunfi, sgunfi d'amur La mia man e ul mè scighezz Fermi denanz d'un fiur |