LIBERTA'

E parlum toeucc de liberta'  cume' surela o cume' fredell

E parlum toeucc de liberta'  cun i scariuni in del cervell

E parlum toeucc de liberta'  ma sèm la luus ch'haa cupaa la stela.

E parlum toeucc de liberta'  ma sèm ul pozz senza siela

parlum toeucc de liberta'  ma se vardum mai in di oecc

parlum toeucc de liberta'  e se cùntum i pioecc

E parlum de liberta'  de rispett e se dem del luu

parlum toeucc de liberta'  ma sem la nuvera che scunt ul su'»

ma a quei minga istess ghe cicum adoss.

E parlum toeucc de liberta'  ma nesoegn el sa cusè  l'è

E parlum toeucc de liberta'  quand se sentum presunee

E parlum de liberta'  al Padre Nostro slargum i brasc,

ma al cimiteri gh'em la capela cun la mansarda e cul garasc.

liberta'  l'è una puesia che te lasa a buca averta

liberta'  l'è la primavera che tra'  giò la sua cuerta

liberta'  l'è la tempesta che se scunt dedree di me oecc

liberta'  le pudè sta insem a quei che burla giò in ginoec

ma a quei minga istess ghe cicum adoss.